თხზულების შესახებ: ვაჟა-ფშაველას „მოხუცის ნათქვამი“
1883 წელს დაწერილი პოემა „მოხუცის ნათქვამი“ (გამოქვეყნდა 1886 წელს გაზეთ „ივერიაში“) ვაჟა-ფშაველას შემოქმედების ერთ-ერთი პირველი დიდი გამარჯვებაა — იაკობ მანსვეტაშვილის მოგონებებით, სწორედ ამ პოემის წაკითხვისას თქვა ილია ჭავჭავაძემ: „ჩვენ, ძველებმა ახლა კალამი უნდა ძირს დავსდვათ! გზა ვაჟას უნდა დავუთმოთო!“ პოემა აგებულია მოხუცი მთიელი მეომრის მონოლოგად, რომელიც სინანულით იხსენებს 1795 წლის კრწანისის ბრძოლასა და მეფე ერეკლე II-ის დროინდელ გმირულ სულისკვეთებას, როცა მთიელები სამშობლოს დასაცავად გაეშურნენ, და ამ წარსულს ახალი დროის გულგრილობას უპირისპირებს.
